Happy Mother’s Day.

 آجا مائے بہہ جا چھاواں

سر تیرے تے تیل میں لاواں

سونے وانگ تیرا مکھڑا ویکھاں 

چاندی جئے تیرے وال میں واھواں

سکھ سنہےدیاں گلاں نال لا کے 

کنگھے توں تیرے وال چھڑاواں

 ململ نال تیرا منہ میں دھوواں

گودی پاکے پہورا سرمہ وی لاواں

ریجاں لہواں ساریاں دل دیاں

اپنے ہتھی تینوں چوریاں کھواواں

کمخواب ھریر یا اطلس ھووے 

سوچ توں پہلے تیرے  قدماں چے پاواں

 دکھدیاں لتاں کہٹاں فیر رج رج کے

باھنواں نوں ھولی جئی گل وچ پاواں 

دھو دھو پیر پیواں ایہہ وی کہٹ اے

تن من دھن دے سارے جتن میں لاواں

کی کراں کوئی سار نہی او پیندی

تیری اک رات دا احسان کیویں چکاواں

نجمہ مسعود۔